Приоритет на кандидатот за градоначалник на Центар од „Сојузот за иднината“, е гасификација на Центар веднаш.
Андреј Жерновски вети дека на првата седница на советот на општината ќе биде формирано Јавното претпријатие Центар гас.
Прво ќе бидат гасифицирани болниците и училиштата, а потоа и станбените згради.
„Со ова ќе се намалат високите цени на парното а ова ќе биде значајно и од еколошки аспект“, рече Жерновски.
Недозволиво е рече, во Капиштец да има руиниран парк.
„Ќе го изградиме најубавиот парк и нова градинка и основно училиште. Вакво училиште имаше во претходната изборна програма и на Тодоровиќ и на Владата, но не е реализирано“, рече Жерновски.
Катерина Цаневска Арсовска