Градоначалникот на општина Центар, Андреј Жерновски денеска додели 26 решенија за легализација на дивоградби.
Ова, рече Жерновски е значаен ден, бидејќи го реализираме она што го ветивме, а тоа е побрзо и поефикасно работење, како што бараат граѓаните.
„Може со задоволство да кажеме дека во периодот од како сум градоначалник доделени се 219 решенија, или во просек месечно се издадени 73 решенија. Иако денеска не треба политика, сепак да кажам дека и покрај сите инспекции и притисоци го надминавме, речиси двојно, просекот на издавање на решенија од претходникот од 41 решение“.
Вети дека ќе се продолжи со засилен интензитет за да им се излезе во пресрет на барањата на граѓаните, одделението затоа и се зајакнува, за да може со темпо од 100 предмети месечно, во законски предвидениот рок да ја завршиме постапката.
