Андреј Жерновски, негови поддржувачи и граѓани од Центар својот револт за украдената победа во вториот изборен круг за Центар ја изразија пред Централниот штаб на неговиот против кандидат Владимир Тодоровиќ. Штабот беше затворен.
Уа лопови, извикуваа револтираните граѓани. На Тодоровиќ му покажаа црвен картон но него никаде го немаше за да го види и да ги чуе нивните барања да ја прекине изборната фарса.
Македонската јавност, рече Жерновски беше сведок на криминалниот инженеринг кој ја згази волјата на гласачите во Центар.
„Поништени се избирачките места каде што ние победивме. Сите избирачки места на кои што победи Тодоровиќ, се оставени и тука нема да има прегласување. Тоа ја прикажува изборната фарса која ја нема ни во африканските држави. Против кого се бориме?
– Штабот на Тодоровќ е затворен, а него го нема веќе десет дена. Го прашуваме колку пати треба да изгуби за да му стане јасно дека жителите на Центар сакаат да си заминат. Црвениот картон е сигнал дека во недела ќе завршат изборите“, рече Жерновски.
Катерина Цаневска
