Секоја година се садат нови дрвца, ама и секој ден се сечат. Илјадници и милиони дрвца се посадија во изминативе години, но наместо позелен град Скопје од ден на ден станува се посив.
На местата на убавите дрвореди и паркови никнуваат катни гаражи, бетонски објекти, проширени улици.
Прво беше соголена „Илинденска“ па ги снема липите од булеварот „Климент Охридски“. На ред дојде и паркот спроти хотелот Бристол, а најновото е што се збришаа дрвјата и паркот во скопската населба Капиштец.
Акцијата „Денот на дрвото“ своевремено беше и опеана, а песната останува актуелна и денес.