Со 20-минутно задоцнување започна лидерската средба. Освен лидерот на СДСМ, Бранко Црвенковски, од страна на опозицијата, на средбата присуствуваат и генералниот секретар на СДСМ, Андреј Петров и Јани Макрадули.
Од другата страна на преговарачката маса се претседателот на ВМРО-ДПМНЕ и премиер на Република Македонија, Никола Груевски, шефот на кабинетот Мартин Протоѓер и министерката за внатрешни работи, Гордана Јанкулоска.
Премиерот Никола Груевски во Клубот на пратеници пристигна со 20-минутно доцнење.
Лидерот на СДСМ, Црвенковски, во повеќе наврати повтори, а тоа ќе му го соопшти и лично на Груевски дека единствен излез од политичката и општествена криза, во која што се најде земјава е организирање на предвремени парламентарни заедно со локалните избори.
Доколку не се исполни овој услов, како и создавање на фер и демократски амбиент за одржување на изборите, опозицијата најави дека ќе ги бојкотира.
