ВИДЕО: Заменети јапонските цреши – Шилегов ја обвини претходната власт дека не се грижела за нив

Од:

Засадени се 18 нови стебла јапонски цреши што Градот Скопје ги обезбеди како донација во соработка со Европската банка за обнова и развој, која ги донираше садниците. Градоначалникот на Скопје, Петре Шилегов, изјави дека сите дрва биле заболени и затоа единствена опција била да се исечат и заменат со нови. Првично бил направен обид да се излечат јапонските цреши на улицата „Максим Горки“, но како што вели, се работело за габична инфекција која ги зафатила стеблата и не можеле да се спасат.

„Уште во 2017 е утврдено заболување на овие сензитивни дрвја , не можевме да ги спасиме и, за жал, цел дрворед е отстранет. Засадени се уште во 2000 година и ако се земе предвид дека имаат и краток животен век, тие ја достигнале и својата старост. Благодарение на ЕБОР како пример за општествено одговорна компанија имаме нов дрворед и во наредните 30 години ќе имаме нови расцутени јапонски цреши. Сакам да потенцирам дека не сечеме дрва за да градиме згради туку ги отстрануваме старите и на нивно место садиме нови. Исто така садиме и таму каде што нашите претходници го уништија зеленилото, а за тоа пример е малиот ринг, кој целосно беше уништен со проектот ‘Скопје 2014’“, рече Шилегов.

Шилегов рече дека не знае која е причината за болеста на јапонските цреши и обвини дека претходната власт не се грижела како што треба за исечените дрвја.

„Не знам како се грижеле за нив, но очигледно не се водело доволно сметка за нив. Ние ќе се трудиме да го спасиме секое дрво. Секое исечено ќе го замениме со ново“, рече Шилегов.

Садниците се дел од јавна набавка на Општина Центар, со која се обезбедени 50 стебла. Дел се засадени на „Максим Горки“, а останатите ќе бидат засадени на други локации каде што имало исечени дрвја.

Би можело да ве интересира

1871 активен случај на Ковид 19 во Скопје, најмногу случаи во Чаир

А1он

ВИДЕО: Кон средината на следната година ќе биде готов новиот мост кој ќе ги поврзува Аеродром и Гази Баба

Ана Ололовска

Новите еколошки автобуси пуштени во сообраќај

Ана Ололовска

ВИДЕО: Отворен прв кафе бар во Скопје каде се служи на знаковен јазик

Ана Ололовска

Над 50 проценти од скопјаните користат сопствен автомобил како основно средство за превоз

Ана Ололовска

ВИДЕО: Распишан јавниот повик на Град Скопје за субвенции на инвертери

Ана Ололовска