Бугарија има двојна надворешна политика. Министерството за надворешни работи е исклучено од разговорите меѓу премиерот и неговите колеги од Северна Македонија. Очигледно Кирил Петков се заложил да го тргне ветото без да се исполнат обврските.
Ова за БНТ го изјави пратеничката на ГЕРБ и поранешна министерка за надворешни работи Екатерина Захариева.
Захариева појасни дека овие наводи не се нејзини, туку се изнесени лично од актуелната министерка Генчовска.
Бугарија треба да има јасен и недвосмислен став, рече Екатерина Захариева.
Направивме апсолутно се’ што е можно, рече Захариева на прашањето дали како министерка направила се’ за да го објасни ставот на Бугарија.
„Жал ми е што некои од бугарските политичари се фаќаат за пропагандата на Северна Македонија. Бугарија не можела да објасни – напротив! Не треба да изгледаме како ситен историски реваншист. Тие го сакаат тоа. Проблемот не е само во апсолутно лажната историја, проблемот е што тоа создава омраза кон соседна земја. Земја која претендира да биде членка на ЕУ во 21 век, не ги почитува нормалните човекови права“, рече Захариева.
Додаде дека Бугарија мора да зборува во ист глас со своите европски партнери, и ја повика Владата прво да научи да зборува со еден глас во коалицијата.