На новинарско прашање какви ќе бидат следните чекори на опозицијата, откако СДСМ и здружената коалиција објавија дека не ги признаваат изборните резултати за парламентарните и претседателските избори, Зоран Заев изјави дека за можно враќање пратеничките мандати ќе се одлучува во текот на утрешниот ден.
Притоа, тој потенцира дека сите опции се отворени.
– Очекуваме ВМРО – ДПМНЕ да преземе итна реакција, бидејќи секој одминат ден нанесува огромна штета на Македонија. Дури и да победиме на изборите, ние нема да ги признаеме, бидејќи нам ни се случи изборен грабеж. Ова е наш конечен став. До денеска направивме се’ да не го урнисаме уставниот поредок и да не направиме уставна криза – изјави Заев.
Петар Клинчарски