„Бројот на потписниците во функција на поддршка на Платформата за демократска Македонија расте.
Денеска потпишаме со една десна партија. Тоа е партијата Достоинство на Стојанче Ангелов, којшто е сериозен опозиционер и вистинска десница во Македонија“, рече на денешната прес конференција, претседателот на СДСМ, Зоран Заев.
„Тоа само по себе покажува дека сите се обединуваме без разлика на нашата определба дали сме десница, левица или центар.
Се работи за Македонија и за иднината на нашите граѓани.
Јас сум убеден дека бројот на поддршката на Платформата ќе расте. Очекуваме да се приклучат уште многу други политички партии и здруженија на граѓани.
Ги повикуваме сите интелектуалци, земјоделци, вработени и невработени граѓани да стават свој потпис и да застанат зад овие вредности коишто секоја нормална земја треба да ги има. Тоа се регуларни, фер и демократски избори.
Заедно да ја вратиме правдата и правичноста во нашата држава. да ги департизираме институциите. Да ги вратиме слободата на медиумите и слободата на говорот. Да создадеме општество достоинствено за почит.
Преку потпишувањето на оваа Платформа испраќаме силна порака: НЕ за организација на уште едни криминали и нефер избори во Македонија“, изјави Заев.