Направивме се како СДСМ, преку дијалог да се дојде до решение и покрај судските процеси против мене, покрај невините луѓе што седат во притвор, седнавме на маса зашто ги имавме интересите на граѓаните пред нас. Груевски сака да го одолговлекува процесот, преговорите се неуспешни, Груевски го минира договорот од 2 јуни, рече претседателот на СДСМ, Зоран Заев на прес конференцијата во партиското седиште.
-Не се возможни избори со влада предводена од Груевски, тој докажа дека само го водат лични интереси. Во преговорите Никола Груевски одби да прифати споделени гаранции помеѓу власта и опозицијата за враќање на демократските институции, за враќање на корективите на општеството, за обезбедување услови за фер и демократски избори. Не се можни слбодни избори со влада која ја води Никола Груевски. Овие преговори беа шанса Никола Груевски дoстоинствено да си замине од функцината што ја има узурпирано. Груевски нема да дозовлиме да ја уништува Македонија, ќе продолжиме со сите средства кои ни стојат на располагање, рече Заев и најави објавување на нови “бомби“.
Според Заев избори во април не се возможни без опозицијата и не ни очекува да бидат одржани.
-Одложувањето на преговорите ни покажа што сака да Груевски постигне, тој го урнисува договорот од 2 јуни и продолжи со својата црна кампањ, рече Заев.
На прашање дали очекува Груевски да даде предлог во наредните денови, Заев рече Груевски не е способен да даде демократски предлог.