На одбележувањето на 111 годишнината од смртта на македонскиот револуционер, Гоце Делчев, уште еднаш му оддаваме почит и се потсетуваме на големото дело на апостолот на македонската борба за самостојност и државност, велат од СДСМ.
Постулатите на идеологот и организаторот на македонското револуционерно ослободително движење, кој целиот свој живот го посвети на Македонија и нејзината слобода, не обврзуваат сите нас.
На 111 годишнината од неговата смрт, СДСМ уште еднаш оддаде признание и почит кон делото на великанот Гоце Делчев.
Претседателот на СДСМ, Зоран Заев, положи цвеќе на споменикот на Гоце Делчев на плоштадот во Струмица. Партиска делегација на СДСМ во состав, Фросина Ременски, Потпретседател, Миле Зечевиќ, организационен секретар и Сања Лукаревска, член на Извршниот одбор на СДСМ, положија свежо цвеќе на неговиот гроб во црквата „Св. Спас“ во Скопје, на споменикот на плоштадот „Македонија“ и во Градскиот парк во Скопје.
