Претседателите на Националната демократска преродба (НДК), Весел Мемеди и на Движењето за реформи-ДПА, Зијадин Села на заедничка средба со лидерот на СДСМ, се согласија дека е невозможно да се одржат избори на 24 април.
-Сакаме да ги информираме граѓаните дека оваа заеднички иницирана средба е во духот на потврда на нашите заеднички ставови, веќе соопштени пред јавноста, а тоа е дека сите заедно стоиме на гледиштето дека на 24 април е невозможно да се оди на избори, заради неисполнетост на условите, но и истовремено ми е драго што заедно негуваме ставови дека императив за иднината на Република Македонија се фер, регуларни, демократски и слободни избори, изјави Зоран Заев.
„Тоа не е возможно без прочистување на Избирачкиот список и тоа не е возможно без доволно медиумски простор за фер политички натпревар помеѓу сите конкуренти во политичката битка на престојните избори. Се надеваме дека сето ова ќе биде исполнето за да може и опозицијата да партиципира на избори преку коишто секако, ќе се гарантира стабилност на Република Македонија, полн легитимитет на победникот и она што Европската У нија го очекува од нас, а е веќе нотирано во Извештајот за Република Македонија – опстојување на препораката за почеток на преговори со конечната цел, фер, регуларни и демократски избори“, рече Заев.