Општина Струмица која е прва во Република Македонија во искористувањето на средства од европските фондови, од денеска има и канцеларија за имплементација на европските проекти.
Досега се реализирани 8 проекти со над три милиони евра, а од Брисел е добиена и писмената согласност за изградба на прочистителната станица во вредност од 9,8 милиони евра и три проекти вредни 700 илјади евра се во фаза на имплементација. Со овие проекти општина Струмица има најмногу искористено средства од европските грантови со кои се решаваат многу значајни проблеми на граѓаните. Канцеларијата ја отвори и за нејзиното значење зборуваше градоначалникот и кандидат за трет мандат на Струмица, Зоран Заев.