Останаа уште само три дена до завршувањето на кампањата пред локалните избори закажани за в недела.
Остана уште само три дена да ја издржиме медиумско – пропагандната тортура што чини тешки милиони а со која ВМРО ДПМНЕ буквално ги тероризира граѓаните, рече Зоран Заев.
Такво пропагандно силување на сопствените граѓани не се памети во светската историја. Така е насекаде низ Македонија, така е и во Струмица. Јас лично очекував дека во немоќта да ми се спротистават со идеи и проекти, политичките опоненти ќе го изберат моделот на водење негативна кампања против мене, но дека ќе паднат толку ниско, дека ќе водат толку приземна и гнасна кампања, беше надвор од секакви очекувања. Такви валкани нешта можат да произлезат само од валкани души. Замислете, сето тоа го прави една партија која себе си се прокламира за Демохристијанска партија која по сите основи треба да ги почитува традиционалните и семејни вредности, додаде тој.
Спротивно од тоа ОК на ВМРО ДПМНЕ, како што рече Заев, нивниот кандидат за градоначалник и шефот на изборниот штаб Славе Гошев, не избираат средства во обидот да го дискредитираат моето име, посегнувајќи по свети работи како што се семејството и семејните вредности.