Вчера од големиот граѓански собир во Велес се обратија претседателот на СДСМ, Зоран Заев, претседателскиот кандидат Стево Пендаровски и носителот на третата изборна единица Марјанчо Николов.
-Македонија овие денови се соочува со битка која не е видена во последните дваесетина години, тоа е битка за слобода и демократија. Ова не е криминалистички филм во кој Груевски треба да ја игра главната улога, ова е нашата Македонија, а за Македонија вреди да се бориме. Масовно да излеземе во недела и заедно да се избориме за правдата и вистината, за слободата и демократијата!- рече Заев во Велес.
Пред велешани, претседателот на СДСМ, Зоран Заев истакна дека првата мерка која граѓаните на Македонија ќе имаат прилика да ја осетат со најавените промени е слободата. Во сплотено заедништво сите граѓани во демократија и мир ќе си ја вратат државата на вистинскиот колосек.
-Додека сте Вие со нас во толку голем број, храбрејќи го народот вака масовно, оваа битка заедно со Вас ќе ја водиме до крај! – се обрати Заев пред присутните граѓани.
Кандидатот за Претседател на Република Македонија, Стево Пендаровски се заблагодари на изразената граѓанска поддршка во првиот круг потенцирајќи дека бројката од приближно 330.000 гласови е поттик за уште подобар резултат во вториот круг и за конечни промени!
Носителот на третата изборна единица, Марјанчо Николов истакна дека овојпат граѓаните ќе се одлучат за промените затоа што Македонија заслужува нов почеток.