За нас, за граѓаните на Република Македонија и за меѓународната заедница Уставот беше прекршен на 24 декември 2012 година. Тоа е потврдено со потписите токму на двете политички партии, вклучително и на претседателот на комисијата Борче Давитковски, рече претседателот на СДСМ, Зоран Заев.
„Морам да кажам дека Груевски е тој кој уште во март месец избега од предвремени парламентарни избори. СДСМ никогаш не бега од избори.
– Ние сме секогаш подготвени да учествуваме на избори, но потенцирам, никогаш повеќе нема да дозволиме организирање на уште едни криминални избори!
– Затоа, го повикувам Груевски, директно, не формално, туку суштински, заедно со опозицијата и пред се со институциите на системот, да се вклучат во прочистување на Избирачкиот список до крај и во вградување на сите препораки од ОБСЕ и на ОДИХР во изборното законодавство.
– Тоа е исто така препорака од мартовскиот договор и наша обврска како земја.
– Штом тоа ќе биде завршено, веднаш можеме да го прецизираме терминот за одржување парламентарни избори и со најбрзата процедура за организација на ваквите парламентарни избори.
– Треба да знае и Груевски, но и граѓаните дека во фер и конкурентни натпревари и создадени услови, на секого ќе му биде јасно колку лесно ќе биде поразена оваа власт“, изјави Зоран Заев.