Претседателот на Социјалдемократскиот сојуз на Македонија, Зоран Заев денеска ја промовираше изборната програма пред бизнис секторот во Струмица.
„Како најголема опозициска партија имаме обврска и одговорност да ја вратиме средната класа. Стопанството не може и не смее да биде поданик на политката“, рече Заев и додаде:
-Нашата програма најавува едно ново поинакво утро за сите, концепт кој се темели за враќање на парите назад кон граѓаните, зголемување на потрошувачката моќ кај секој граѓанин кој е двигател на развојот и растот на нашето стопанство, од кое што конечен бенефит имаат стопанствениците.
На средбата на која присуствуваа голем број стопанственици од Струмица, за економскиот дел на изборната програма зборуваа и кандидатите за пратеници на СДСМ и коалициските партнери, Марјан Даскаловски и Панче Орцев.
