„Слободни и ненасилни избори се насушна потреба на Република Македонија без разлика кој ќе биде резултатот. Првиот приоритет мора да биде за сите нас тој, а вториот приоритет за политичарите треба да биде кој ќе победи“, рече Зоран Заев градоначалник на Струмица и кандидат за трет мандат на денешната трибина на невладината „Цивил“.
-Морам да пуштам силна и недвосмислена порака до сите учесници вклучувајќи ме и мене како кандидат на овие избори, нашиот народ е скромен и кроток народ и после 21 година демократија е демократски образован народ, да му оставиме можност уставното право целосно да го испочитува, да гласа онака како што мисли дека за него е најдобро. Прва и примарна цел на сите да ни биде фер, слободни и ненасилни избори, после тоа кој ќе победи нека му е со среќа.
Се надевам како и досега Струмица ќе остане одличен пример во Република Македонија за фер, слободни и ненасилни избори, рече Заев.
