Пропагандниот спот „Државен испит-потврда на стекнатото знаење“ е само потврда за сето незнаење во Владата и агенциите кои ги ангажира. Не залудно на сите протести се бараше екстерно за владините функционери.
На пропагандниот материјал во кој се наведуваат многу земји кои наводно го применуваат државниот испит, Словачка е претставена со словенечко знаме. Иако звучи слично, сепак е различно.
Секако сега сета вина ќе се префрли на Агенцијата, иако спотот се врти без проблем и со грешка неколку дена и никој не реагирал.
Но тоа е апсурдот-некој што недонаучил да бара од други да учеле повеќе и да ги проверува.
Спотот сам по себе е и манипулативен-во државите кои се наведените нема државен испит како што планира да воведе македонската влада.