Граѓаните кои кампираат пред Владата на Република Македонија, маршираа до Mинистерството за финансии по објавената „бомба“ на СДСМ на која беа обелоденети нови коруптивни дејства за власта.
Преку паролата „Вратете ги парите“ тие побараа правда и враќање на украдените народни пари.
Демонстрантите застанаа на кратко пред Министерството за финансии од каде продолжија кон ТЦ Рамстор, и повторно се вратија кај Владата.
Додека маршираа извикуваа: „Убијци, убијци“, „Оставка“.
Продолжуваат активностите пред Влада вечерва, каде е предвидено обраќање на поединци од различни општествени дејности.