Полицијата вчера заплени 10 килограми марихуана во двор од напуштена куќа во с.Фалише. Дрогата била пронајдена во возило “БМВ 523“ со тетовски регистерски таблички сопственост на 25 годишен жител на селото. Марихуаната била спакувана во осум полиетиленски пакувања и е предадена на вештачење.
Според полицијата дрогата е високо квалитетна која на западно европскиот наркопазар при продажба би достигнала цена од 50.000 евра.
Од страна на ЦСОСК – ОНТД до надлежното Јавно Обвинителство по целосно расчистување и документирање на случајот ќе биде поднесена кривична пријава против А.Б. (25) поради постоење на основано сомнение дека сторил кривично дело-“неовластено производство и пуштање во промет на наркотични дроги, психотропни супстанции и прекурзори”, казниво по чл.215 став 1 од КЗ на РМ. Лицето во моментов не е достапно на органите на прогон и по него сеуште се трага.