По редицата обвинувања од страна на ВМРО-ДПМНЕ дека „Сојузот за иднината“ нема програма или дека препишана, денес таа и лично им беше доставена и имаа можност да ја разгледаат. Како што велат од „Сојузот за иднината“, програмата содржи проекти многу позначајни и поостварливи од оние што сегашната локална самоуправа ги ветила и не успеала да ги исполни.
Програмата во штабот на ВМРО-ДПМНЕ ја достави Горан Милевски, досегашен советник во Советот на Општина Битола од редовите на ЛДП.
„Најдобронамерно сакаме да го соочиме со реалноста, затоа денес ќе му ја доставиме програмата во неговиот скапо платен изнајмен штаб на Широк Сокак; нашата програма, која граѓаните ја имаат веќе во цела Битола“, изјави Милевски обраќајќи се до градоначалникот на Општина Битола, Владимир Талески.
