Со 12 гласа од советниците, Мирослав Шиповиќ е избран за претседател на Советот на општина Центар. Советниците од ВМРО-ДПМНЕ не гласаа, но како за почеток, му подадоа рака и му честитаа на Шиповиќ.
Тој побара од нив соработка за да работат за доброто на сегашните и идните генерации на Центар.
Во Советот на Центар мнозинството го има опозициската коалиција. Градоначалник е Андреј Жерновски, кој очекува дека ќе извршат примопредавање со досегашниот градоначалник Владимир Тодоровиќ.