ВИДЕО: ВМРО-ДПМНЕ бара нова вонредна состојба

Од:

ВМРО-ДПМНЕ бара од претседателот Стево Пендаровски нова вонредна состојба поради зголемениот број на заболени и починати од КОВИД 19. Подготвени се за разговори и средби, но не лицитираат со датуми за избори, бидејќи тоа за нив е ризик и играње со здравјето на граѓаните.

Генералниот секретар на партијата Игор Јанушев на денешната прес-конференција рече дека е потребно продолжување на вонредната состојба затоа што има здравствена криза, а непрогласувањето на нова вонредна состојба, ќе го сметаат за политичка одлука на Пендаровски донесена под притисок на лидерот на СДСМ Зоран Заев.

– Бројките покажуваат дека државата не излегла од корона кризата, туку дека таа се продлабочува и нова вонредна состојба мора да има. Поради негрижата на Владата на Заев и Спасовски досега имаме 169 починати, 3.538 заразени, повеќе од 15 илјади граѓани ги загубија рабтните места и се уште е непознат бројот на новозаразени, истакна Јанушев.

Тој го повика претседателот Пендаровски да се издигне над, како што рече, притисоците од Заев.

– Немате обврска да му служите на Заев, но имате обврска, уставна и морална, да го штитите здравјето на граѓаните, рече Јанушев.

Генералниот секретар на ВМДО-ДПМНЕ додаде дека како партија се отворени за консензус и разговори без разлика во кој формат би биле средбите, но оти за нив е најважно здравјето на граѓаните.

– Лицитирањето со датуми во овој момент кога имаме огромен раст на новозаболени и на починати е всушност лицитирање со здравјето на луѓето. Тоа нема да го правиме, порача Јанушев, додавајќи дека за да излезат со датум треба да има нормализирање на состојбата.

Би можело да ве интересира

(ВИДЕО) Нелоски: Нови сознанија за криминалните пожарникарски скали на Шилегов

Ана Ололовска

(ВИДЕО) Мицевски: ВМРО-ДПМНЕ почнува со акција „Пратениците со народот“

Ана Ололовска

(ВИДЕО) Лефков: Филипче и Заев уплатиле 7.8 милиони на фантом фирмата од Хонг Конг, тоа не е гаранција, туку чиста исплата со акредитив

Ана Ололовска

ВМРО-ДПМНЕ: 25 илјади деца се во сиромаштија, а Царовска турка проект темелен на елитизам од 120 милиони евра за дигитални учебници

Ана Ололовска

ВМРО-ДПМНЕ: Павлина Црвенковска во Судски совет е продолжена маша на Заев

Ана Ололовска

Нелоски: Од средбата на Мицкоски со Пендаровски очекуваме уставобранителите конечно да добијат вистинска правда, а Заев да ги тргне рацете од правосудството

Ана Ололовска