Седницата на Собранието каде требаше да се констатираат оставките на пратениците од опозоцијата е одложена а претседателот на Собранието Трајко Вељаноски не прецезираше за кога точно.
33-те депонирани оставки од СДСМ денеска требаше да се најдат пред пратениците, а одложувањето Вељаноски го оправда поради државнички интереси. Според него политичките разлики во државата не смеат да го загрозат развојот на односите со ЕУ и НАТО.
„Македонија мора да продолжи со силно темпо да ги реализира целите за натамошен развој на односите со Европската унија и НАТО, независно од нашите политички разлики а тоа единствено можеме да го направиме здружени и сплотени. Затоа тука ја прекинувам оваа четврта седница на која треба да се констатираат оставките на нашите колеги пратеници и за продолжението на истата дополнително ќе ве информирам“, изјави претседателот на Собранието Трајко Вељаноски.