Претседателот на собранието, Трајко Вељаноски денеска на дневен ред ја стави оставката на докторката Аспазија Софијанова а претениците едногласно го верификуваа повлeкувањето на лекарката од Парламентот.
Од Државната изборна комисја ќе побараат да утврди кој е следен на список од коалицијата на ВМРО-ДПМНЕ за да ја замени во пратеничкото столче. Според изборната листа на ВМРО-ДПМНЕ во изборната единица 1, местото на Софијанова во парламентот најверојатно ќе го добие актерката Јелена Жугиќ.
Иако Софијанова можеше пред пратениците да ја образложи оставката, такво барање до Вељаноски не стигнало.
Присутните пратеници во собранието го верификуваа и пратеничкото место на Мирсада Емина Асани од редовите на НДП на Руфи Османи кој по нејзината одлука да влезе во Собранието спротивно на партиската одлука за бојкот ја исклучи од партијата.
Иако минатата недела на дневен ред пред пратениците се најдоа и оставките на СДСМ, претседателот на собранието Трајко Вељаноски седницата ја откажа без да прецизира кога ќе се верификуваат 33-те поднесени оставки.