На граѓанскиот парламент во Прилеп вечерва се обрати Сашо Велески, координатор на советничката група на СДСМ во Совет на Општина Прилеп. Тој истакна дека ќе има многу народ на улиците додека во Македонија не се врати нормалниот начин на живеење. Велески ја критикуваше работата на градоначалникот на Прилеп, Марјан Ристески.
-Во осум години Марјан Ристески потроши над 100 милиони евра само за паркови, фонтани, нишалки светилки, без ниедно евро капитални инвестиции. Сите договори за јавни набавки ги склучуваат со само 2-3 фирми блиски до него – рече Велески.