(ВИДЕО) Василески по протестот: Писмото за да не гласам за уставни промени е доставено предоцна

Од:

Пратеникот Сашо Василевски за протестите пред неговиот дом вели дека се притисоци, а работата според него е премногу сериозна.

Писмото кое демонстрантите му го доставиле, а со кое се бара тој да не гласа за уставните измени е доставено предоцна, вели Василевски, додавајќи дека тие треба да го достават и до ВМРО-ДПМНЕ.

Пратеникот кој гласаше за отпочнување на процесот за уставни измени рече дека треба да се стави крај на поделбите меѓу Македонци и Албанци бидејќи како што рече Василевски, „тие се наши браќа и така треба да живееме“.

„Писмото треба да се достави и до друга адреса, тоа е мојата матична партија. Тие во изминативе 11-12 месеци не преземаа никакви активности за релаксирање на оваа состојба. Јас го притиснав зеленото копче без притисок и без грам на совест која би ме мачела. Тоа е бидејќи лажниот патриотизам кој 30 години не мачел, да го ставиме зад врата. Македонија има еден пат, а тоа е ЕУ и НАТО. Ќе се борам како пратеник да го јакнеме стратешкото партнерство со САД. Тоа можам да ви го гарантирам, бидејќи е единствена наша перспектива. Лажниот патриотизам ќе биде присутен уште некое време и ќе го нема“, рече Василевски.

Запрашан што се случува во ВМРО-ДПМНЕ од каде Василевски го исклучија, тој рече дека таа партија е кодот на македонскиот народ. Пратеникот вели дека иако е исфрлен, тој е ВМРО и ќе остане ВМРО.

„Во моментов сум исклучен од партијата, но мене никој не може да ме исклучи. Во ЕПП, во Хелсинки беа повикани две делегации, а тоа кажува многу. Тоа кажува дека моменталното раководство на ВМРО-ДПМНЕ е изолирано од ЕПП. Затоа беше повикана втора делегација, која е за реформи и демократски систем на размислување во партијата, оти никаква дебата не беше отворена по повод уставните измени. Не можете вие како лидер на партија да се затскривате зад нардорот, зад тие виртуелни милион и дваесете илјади гласачи. Тоа не е дозволиво за лидер на најголема опозоциска партија. Имаше референдум, беше кажано дека ќе се излезе или нема да се излезе. Мојата партија бојкотираше, затоа овие бројки не се реални“, додаде Василевски.

Пратеникот вели дека пратеничката група на „Независни пратеници од ВМРО-ДПМНЕ и коалицијата „За подобра Македонија“ имала официјална средба со Палмер, каде оствариле средба за прашањето што доколку пропадне договорот со Грција.

Кристијан Ландов

Би можело да ве интересира

Единствена Македонија: Одбивањето на „Спутник“ е недозволиво бидејќи здравјето не трпи политички каклкулации

Ана Ололовска

Единствена Македонија: Захариева, Каракачанов и Ковачев да се прогласаат за „персона нон грата“

Ана Ололовска

Единствена Македонија до фудбалерите: Паричната награда за вас е навредлива, донирајте ги парите за медицинските лица

Ана Ололовска

Единствена Македонија: Заев да не се плаши да одговара на прашања и од вонпарламентарните партии

Ана Ололовска

(ВИДЕО) Бачев: Единствена Македонија е колатерална штета на изборите од планот на „ѕверот“

Ана Ололовска

„Никогаш северна, само Македонија“ поднесе кривични против Дерковски и членовите на ДИК

Ана Ололовска