„Сметаме дека нема потреба да се одложуваат ниту пописот ниту локалните избори, тоа се два процеса кои што течат паралелно и наш став е дека истите нема потреба, ниту пописот како статистичка операција да се одложува, ниту одржувањето на локалните избори“, одговори Стефан Васев од СДСМ на новинарско прашање.
„Нема потреба, тоа е статистичка операција и никако не смееме да дозволиме да се политизира нешто што мора да го направиме, впрочем и договор е помеѓу двајцата лидери дека на тој датум ќе се одржат, односно во тој период ќе се одржи статистичката операција – спроведување на попис и мислам дека коректно е од политичарите, пред се мислам и на Мицкоски затоа што најчесто од нивна страна доаѓа политизирање на одредени аспекти за пописот да не се користат за политички цели. Тоа е статистичка операција“, додади Васев.