Додека трае паузата на седницата на Општина Центар, од општината информираат дека приказната за уривање на црквата во Центар е голема лага и пропаганда.
Тоа не е запишано во ниту еден документ кои што се доставени на седницата на Општина Центар и оттаму уверуваат дека прашањето дали ќе се урива црквата никогаш не било поставено.
Протестите ги сметаат за политички мотивирани при што се користат верските чувства на граѓаните, се злоупотребуваат чувствата во борбата против градоначалникот на Општина Центар.
Голем дел од тие што се дојдени да протестираат се жалат дека немаат да купат ни за леб и зборуваат за нивните економски проблеми.
Ситуацијата на моменти наликува на театар, дел од „верниците“ се обраќаат преку прозор внатре во салата.