„Од денес тргнуваме кон нова ера, кон нови победи, за подобро утре на сите граѓани, со нови сили, со нова енергија одиме напред. Силно чекориме кон економска просперитетна и политички стабилна Република Македонија.
Нашето лице и одлика е нашата работа и нашите сработени дела, кои ги има на секаде. Најавуваме нова ера на напредок и просперитет, која ќе гарантира подобро утро за сите.
ВМРО-ДПМНЕ ќе работи во насока на севкупен развој на економијата, потребни ни се 4% раст на БДП на годишно ниво и над 12.000 долари приход по глава на жител.
ВМРО-ДПМНЕ смета дека е потребен развој на претприемачкиот дух и поттикнување на иновациите врз основа на кои треба да се заснова растот на економијата.
За развој на економијата и бизнисот потребна е ниска стапка на јавен долг, кој со закон мора да се гарантира дека не може да надмине над 60%.
Приоритет ни се среќни граѓани. Намалувањето на невработеноста е најуспешен начин за создавање на среќно општество на среќни граѓани. ВМРО-ДПМНЕ има за цел невработеноста во Република Македонија да падне на ниво под 10%.
Главен фактор за креирање и постигнување на ниска стапка на невработеност е добрата бизнис клима, неа ќе ја поттикнеме со помали даноци, со тенденција Република Македонија да стане земја со најниски даноци во светот.
Посилната економија ќе допринесе и за раст на платите и пензиите. И намалување на сиромаштијата за 3/4.
Развиената економија ќе гарантира поголеми инвестиции во инфраструктурата.
Новата ера и нашата визија за Македонија предвидува и модернизација на селата, раст на земјоделските субвенции, поквалитетно образование, поквалитетно и пофункционално здравство и жестока борба против криминалот.
Ова се нашите цели. Ова е нашата визија. Економски силна и просперитетна Република Македонија. Започнуваме ново поглавје. Поглавје на победи за Република Македонија“, изјави Славче Трпески, член на ИК на ВМРО-ДПМНЕ.