Минаа три години од таканаречениот „Црн понеделник“.
На 24. декември 2012 година, кога требаше да се гласа Буџетот, или колку и како ќе троши државата, новинарите и пратениците беа влечени, тепани и брутално исфрлени од Собранието на Република Македонија. Беше онезвозможено да се дебатира и да се пренесе на јавноста.
„Бомбите“ на опозицијата покажаа зошто ова не требаше да го види и чуе никој.
Тепањето и исфрлањето на колегите од опозицијата, немо го набљудуваа нивните колеги од власта, а во салата беа и министрите за внатрешни работи и финансии.
Утрото на 24. декември пред Собранието се собраа неколку илјади граѓани за да им дадат поддршка на пратениците од опозицијата и на медиумите.
Но наспроти нив беа донесени и контра-протестанти. Меѓу нив до заби опремени полициските сили.