Откако беше исечен повеќедеценискиот голем костен во строгиот центар на Скопје, на улица „Македонија“, пред кафеаната „Пелистер“, на стеблото имаше нацртано лик што плаче.
Набрзо потоа, тоа беше заградено со ограда и сокриено од очите на минувачите.
Од утринава оградата ја нема и повторно може да се види тажната слика на исеченото стебло што плаче.
Тажното стебло на костенот што беше еден од симболите на улицата, сега стои како потсетник дека заради спомениците од Скопје 2014, во градот се врши масовна сеча на дрвјата.
Позади местото каде беа двата костени, деновиве се врши ископување каде што најверојано, според неофицијални информации, ќе се пресели споменикот на Цар Самоил.
А.Б.