Во услови кога Скопје се дави во загаден воздух и се предлагаат мерки за справување со опасните PM10 честички, никој од јавните функционери на работа не доаѓа со автобус или велосипед.
Една од мерките која се разгледува за справување со загадениот воздух е воведувањето на пар-непар за автомобилите кое би се водело по регистарските таблици.
Градоначалникот на Скопје, Коце Трајановски рече дека во иднина можно е на работа да доаѓа и да си оди со автобус, пракса која во западноевроспките земји е нормална појава, а градоначалници на многу поголеми градови или возат велосипед или пешачат.
„Да зошто да не. Град Скопје е ретка институција која стимулира возење на велосипед. Вработените што доаѓаат со велосипед или со автобус на работа имаат три отсто повеќе плата“, изјави Коце Трајановски.
Скопје постојано според мерните единици на Министерството за животна средина има многу загаден воздух која е во црвена алармантна фаза.
PM10 честичките кои се опсани по здравјте на луѓето во одредени периоди се неколкупати повеќе присутни во воздухот од пропишаната вредносна граница.