ВИДЕО: Трагите од крв пред Клиничкиот центар сведочат за вчерашното убиство кога син уби татко

Од:

Трагите од крв на улицата пред Клиничкиот центар сведочат за вчерашното убиство, кога доцна вечерта, пред полноќ, син со нож го уби својот татко.

Пред куќата во која што се случило убиството денеска беа собрани пријателите и роднините на убиецот и на починатиот, но ниту еден од нив не сакаше да разговара со новинарските екипи. Мотивот за убиството се уште е нејасен, со оглед на тоа што синот се уште е на распит во полициска станица.

Куќата на Д.А.(24) кој со нож му нанел повеќе убодни рани на неговиот татко, С.А. (55) се наоѓа на стотина метри од Клиничкиот центар „Мајка Тереза“. Синот убиството го извршил пред очите на неговата мајка и останатите членови на семејството.

Како што објавивме и вчера, таткото во обид да се спаси, тргнал пешки кон клиниката за да побара помош. Тој успеал да ја изоди оваа траекторија и да стигне до влезот на Клиничкиот центар, каде што ја изгубил силата, искрварел и се струполил на земја.

Залудни биле напорите на медицинските екипи кои се обиделе да му пружат помош.

Полициските службеници од СВР Скопје веднаш по пријавата го привеле синот, Д.А., а одземен е и ножот со кој е извршено убиството.

Денеска против него ќе биде поднесена кривична пријава за убиство и ќе биде изведен пред судија на претходна постапка во кривичниот суд.

Би можело да ве интересира

Приведено 87-годишно лице кое возеше во спротивна насока на булеварот Партизански одреди

МВР: Безживотно тело на 38-годишен маж со прострелна рана пронајдено кај Смилковци

МВР апелира до родителите и јавноста: Препознајте ја опасноста од групата „764“ – заштитете ги децата

(ФОТО) Левица: Полициско насилство врз малолетници во Охрид – Tошковски молчи

А1он

Две верзии за целта на планираниот атентат во Грција: Ирански дисидент или израелски државјанин

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он