Локалната Телевизија Стар објави снимка од тепачка на Градскиот базен во Штип, кој е во склоп на новоизградениот Аква парк отворен во јуни пред две години. На снимката може да се види дека се делат тупаници, клоци помеѓу мажи, а потоа со тупаници и удари со нозе силата ја мерат и три жени, односно две жени маваат една која е легната на земја. Тепачката се одвива пред децата кои зачудено ги гледаат возрасните како дивјачки се пресметуваат и се кубат за коси.
Тепачката наиде на осуда од граѓаните, кои ја оценија како крајна примитивна, а многумина прашуваат како може да функционира базенот без никакво обезбедување, со оглед дека тепањето трае подолго време без некој да интервенира.
.