(ВИДЕО) Тензично пред медицинското училиште: Се туркаа родители и ученици, не сакаат приемен испит

Од:

Поголема група на родители и ученици направија турканици пред влезот на средното медицинско училиште „Панче Караѓозов“.

Тие негодуваа затоа што им соопштиле дека поради големиот интерес учениците треба да полагаат приемен испит. Се туркаа на вратата, довикуваа и бараа да разговараат со одговорните од школото. Родителите бараа наместо квалификационен тест да отворат уште една паралелка за насоката „медицинска сестра“ за да можат да се запишат сите.

„Ако можеа да дозволат уште една паралелка без тест во гимназијата „Орце Николов“, зошто да не дозволат и тука и овде сите ученици се со одличен успех“, изјави еден од насобраните, револтирани родители.

На собирот најголемиот дел носеа маски, но немаше дистанца помеѓу луѓето. Интервенираше и полициска екипа и обезбедувањето кое некако успеа да ја смири ситуацијата.

Тензијата траеше повеќе од два часа, по што учениците сепак влегоа на тестирање. Проблемот се јави откако во ова училиште се пријавиле над 160 ученици за насоката „медицинска сестра“ на албански наставен јазик, а треба да се примат 102 ученика во три паралелки.

Би можело да ве интересира

Листа на акредитирани здруженија на наставници кои организираат натпревари за основци

Ана Ололовска

Продолжува реконструкцијата на училиштето „Браќа Рамиз и Хамид“, најавени и други проекти во Шуто Оризари

Ана Ололовска

Штипскиот универзитет се подготвува за уписите на студенти во прва година

Ана Ололовска

Вкупно 1270 ученици се запишаа во двата уписни рока во тетовските средни училишта

Ана Ололовска

Штипскиот универзитет „Гоце Делчев“ активира електронска платформа за идните студенти

А1он

Утре резултати од второто запишување во јавните средни училишта

Ана Ололовска