Алијанса за Албанците нема никаква понуда да биде дел од власта вели претседателот на партијата Арбен Таравари.
– За тоа дека ќе бидеме дел од мнозинство мислам дека повеќе е спин од ДУИ. Таму има интересни настани, поделени се во 3-4 фракции. Не може да се разбере кој со кого е. И мислам дека им понираат вакви теми. Првпат ме прашаа пред пет-шест недели. Повторно ќе кажам ние не сме човек партија, туку сме партија која што има тела на партијата и ако има таков предлог, засега нема ништо ова е само шпекулација. Ако има таков предлог мислам дека не треба одлуката да ја донесе само претседателот туку треба сериозно да се разгледа во партиските тела и да се донесе одлука, без разлика каква е – истакна Таравари.
Алијанса за Албанците во текот на следната недела ќе ги објави условите за гласањето за уставни измени.
– Едно од барањата ќе биде и еднаш за секогаш да ја тргнеме формулацијата 20 отсто и да биде барем како што беше во Југославија, македонскиот и албанскиот јазик беа јазици коишто официјално се користеа. За тоа мислам дека има подготвеност од сите македонскиот партии – рече Таравари.