Одложувањето на законот за високо образование кое предвидува екстерно тестирање не е решение на проблмеот. Студентскиот пленум останува на ставот дека законот мора да се повлече.
Предлагаат преставници на Студентски пленум да бидат вклучени во изработка на целосно нов закон.
За денеска најавија дека имаат средба во ректоратот со преставници на владата.
Пленумци посочија дека не ги плаши воопшто најновата акција на владеачката партија која од членството бара индекси за да ги преброи дали се повеќе од Студентски пленум. Порачаа дека е добро да се има и спротивно мислење диригирано дури и на таков начин.
„Ние четири месеци протестираме за да се слушне нашиот глас. Законските измени на насилен начин беа донесени и дури потоа беше започнат дијалог со владата. Токму затоа ни не сме сигурни во подготвеноста на владата да се држи до своите барања или грубо кажано не и веруваме и затоа преку окупација вршиме притисок да се држат до договореното“, изјавија од студентскиот пленум.
Освен студенти на средбата во ректорат ќе бидат присутни и преставници на професорскиот пленум.
„Очекуваме на оваа средба да ни биде исполнет договорот со владата. Ветено ни беше изработка на целосно нов закон. Ние не се согласуваме со измени и дополнувања и бараме комплетно нов закон“, изјавија од Студентски пленум.