Студентите го опкружија Собранието со лента на која пишува „Место на злосторството“, како место каде се случува убиството на автономијата на Универзитетот, а беа оставени и транспаренти на кои пишува „Не“.
Претставниците на Студентскиот пленум порачаа:
– Народните избраници не не’ претставуваат и ние ќе мора да преминеме, ќе бидеме принудени да примениме секакви институционални и вонинстиуционални методи во наредниот период, бидејќи сметаме дека така ќе бидеме слушнати, рече Бојан Матовски од Студентскиот пленум.
– Ќе бојкотираме, ќе блокираме, ќе окупираме, изјавија претставниците на Студентскиот пленум на денешниот протест.
Професорскиот пленум ги повика вечерва во 19 часот граѓаните со свеќи во рака, симболично, заедно да го погребаат високото образование.