Ние сме вистинските студенти и сме против екстерното тестирање. Со вакви пароли илјадниците студенти побараа од Студентскиот парламент да не организира само студентски забави туку активно да се вклучи во нивните борба и конечно да ги застапува интересите на сите студенти.
Иако студентите извикуваа пароли со кои ги побараа своите колеги од СПУКМ, никој од оваа организација не излезе на протест ниту прими некој од студентите кои протестираа пред седиштето. Студентите го оспорија легитемитетот на Студентскиот парламент кој ги преставува сите студенти, но и зборува во нивно име, порачувајќи им дека ова е крајот на оваа организација која е продолжена рака на власта.
На раководството му порачаа дека ова е почетокот на протестите, тие нема да запрат, но и дека ова е почетокот на крајот на СПУКМ.
„Видов еден натпис, студенти каде ви е идентитетот. Очигледно идентитетот ни е во студентските забави што ги организираше СПУКМ. Очигледно нашиот идентиет е во 10 отсто кои лобираат за Студентскиот парламент. Нашиот глас нема да биде слушнат ако треба да го пренесе СПУКМ. Само вака ќе се слушне нашиот глас, а не СПУКМ кој пропагира политика“, рекоа студентите.