Голем број студенти со извици “Слобода, слобода“ влегоа на Филозофскиот факултет и најавија дека нема да излегуваат од таму се додека не се изборат за нивните барања. Тие порачаа дека Универзитетот станува Автономна зона и нешто за кое одлучуваат студентите и професорите.
Со вреќи за спиење, храна и пијалоци и заедно со професорите тие го запоседнаа Филозофскиот факултет и го означија како свој простор кој ќе го бранат од власта која ја наруши автономијата. Најавија дека не се откажуваат од битката за слободен универзитет и негова автономија и дека ќе имаат постојани дежурства.
На премиерот Груевски му порачаа дека нема да наседнат на неговото, како што велат, наводно омекнување.
„Немаме намера да седиме дома и да се надеваме дека кармата ќе го стори останатото. До овде стигнавме, затоа што сме сложни и затоа што гласно на сите начини се спротивставуваме на наметнатите реформи во високото образование. Да го освоиме назад Универзитетот, време е за автономна зона“, порачуваат Пленумци.