Стотици автобуси и комбиња со партиски обележја од сите градови и села кон Скопје, за да се наполни митингот на ВМРО-ДПМНЕ. И на овој митинг повеќето луѓе доаѓаат од внатрешноста на Македонија. Дел од нив за да се прошетаат низ главниот град, а поголем дел по партиска наредба.
На митингот повторно е присутна целата администрација, голем дел вработени во здравствените установи како и вработени од општините во кои „владее“ ВМРО-ДПМНЕ. Некои од граѓаните ја „почаситија“ камерата на А1он со среден прст, другите пак, срамежливо ги тргаа главите кога ја забележаа камерата. Цел булевар “Партизански одреди“ е полно со автобуси на двете ленти, како и булаварот од Скопскиот Саем до трговскиот центар Мавровка. Очигледно, ВМРО-ДПМНЕ не може да собере доволно луѓе од Скопје.