Наместо да им служи на граѓаните здравствениот дом во Лисиче е оставен на забот на времето, руниран. Вистината за овој објект е многу сурова и тажна, ја покажува целосната негрижа на ВМРО-ДПМНЕ за здравството и здравјето на граѓаните. Повеке оддели не функционираат и се затворени а преостанатите функционираат во мизерни услови, рече Дарко Стојановски, член на Комисија за здравство на СДСМ.
Еве погледнете, овој здравствен дом се распаѓа, санитарните јазли се запуштени, вработените и пациентите се изложени на ризик од доплонителна зараза. Опремата во домот е стара, недостасува медицински и лекарски кадар. Поради тоа граѓаните се приморани да одат во други здравствени установи за да бидат прегледани.
ВМРО-ДПМНЕ и Никола Груевски потрошија 630 милиони евра за споменици а граѓаните на Скопје, на Лисиче, не можат да добијат основни здравствени услуги во достоинствени услови.
Овој здравстевн дом објект е заборавен од власта во заминување. Не само што не е одржуван, не само што воопшто не е инвестирано во него, туку нема донесено ниту еден нов медицински апарат.
Се потрошија 630 милиони евра за споменици а граѓаните не може достоинствено да се лечат. Дури и палмите во Скопје добиваат подобар третман и грижа.
За Никола Груевски и ВМРО-ДПМНЕ во изминатите 10 години најважни беа провизиите и бизнисите а не интересот на граѓаните.
Кога СДСМ ќе ја преземе одговорноста што ќе и ја дадат граѓаните, ќе ги промени приоритетите и парите ќе ги насочи кон граѓаните и решавање на нивните проблеми.
СДСМ има системски решенија за создавање на вистинско јавно здравство, со бесплатно лекување за сите и ослободување од партиципација.