Нема притисок врз пратениците од ВМРО-ДПМНЕ кои не се изјаснија дека ќе гласаат против уставни измени, вели пратеничката Невенка Стаменковска, која е една од 20-тината опозициски пратеници кои на „Фејсбук“ напишаа дека нема да гласаат за промена на Уставот.
-Не е координарана акција, личен став е, секој пратеник може да се изјасни. Јас како дипломиран правник и пратеник, нема да дозволам кршење на Уставот и законите. Особено по одлуката на Уставниот суд се докажа дека владее тотален хаос во државата, вели Стаменковска.
Изминатите денови повеќе пратеници на ВМРО-ДПМНЕ меѓу кои Влатко Ѓорчев, Јохан Тарчуловски, Ане Лашкоска, Лилјана Затуроска, Павлина Честојнова, Зоран Илиоски, Дафина Стојановска, Димитар Стевананџија, Лилјана Кузмановска, Трајче Димков, Никола Мицевски, Васил Пишев и Трајко Велјаноски, повикувајќи се на поддршка од граѓаните, на „Фејсбук“ напишаа дека немаат намера да поддржат промена на името на државата.
Галена Николовска-Ризвановиќ