„На Харун Хаџибулиќ му се закануваа дека кога тогаш ќе го решеле, а најмногу зашто се експонирал во редовите на СДСМ. За да бидат поефикасни би го уапсиле и би му накалемиле и измислиле некое дело, па човекот имал тешки проблеми и мораше да го напушти судот“
Вака адвокатот Ефто Спироски за А1 го објаснува бегството на Хаџибулиќ од судот, како и се што му претходеше на истото. Според него, во судот на закажаните рочишта имало алфи кои го следеле Хаџибулиќ, и тој се сомневал дека ќе му наместат повторно некое дело.
„Отидовме на другата страна, и тие по нас. Одлучно реагирав, кога се вратив пред судницата ги прашав зошто ме пратите, и ми рекоа „си ја вршиме нашата работа.
-Јас сум адвокат, вие кој сте?
-Ние сме од МВР, рекоа и немаме што да ви се легитимираме“, објаснува адвокатот Спироски.
„Зошто сакате да го земете Харун, имаше налог, потерница? Ако сакаш да се жалиш јави и се на министерката Јанкуовска“, го пренесува одговорот Спировски на двајцата припадници на полицијата.
Тој се обратил до судската полиција дали му гарантираат слобода на движење во судот и дали се над нив, но не добил никаков одговор.
„Тие замолчеа. И тие не смеат да гукнат од овие“, објаснува адвокатот на Хаџибулиќ за А1.