(ВИДЕО) Спасовски: Нашиот македонски јазик е света обврска за сите нас

Од:

Премиерот Оливер Спасовски денеска преку видеопорака упати честитка по повод 5 Мај – Денот на македонскиот јазик.

– Нека ни е честит 5 мај – Денот на македонскиот јазик. Денеска го одбележуваме овој значаен ден во реалност која е современа, но неспорна – го зборуваме јазикот македонски, со нашата азбука, како официјално писмо. Македонскиот јазик ги помина сите фази на создавањето, на пробивот, на препознавањето, на кодификацијата и на признавањето, вели премиерот во обраќањето.

Сега, додава тој, нам ни останува да го чуваме и унапредуваме, таа наша обврска има уште поголема важност ако се има предвид улогата на големите дејци Мисирков и Конески.

– Посебноста на македонскиот јазик е впишана во личната карта на нашата држава, во големото семејство на народи и на земји членки на Обединетите нации каде што покрај името Република Северна Македонија, за јазик стои – македонски јазик. Македонскиот јазик се користи слободно, секаде, низ целиот свет, вели Спасовски.

Овој ден, вели во честитката, нè обврзува уште еднаш да испратиме јасна порака дека оваа Влада, искрено и силно е посветена да го негува и да го унапредува македонскиот јазик, вечниот паметник на нашето постоење како народ.

– Токму поради тоа, Владата го прогласи 5 мај за Ден на македонскиот јазик. Тоа е денот кога во 1945 година, Народната влада на Федерална Македонија го објави решението за усвојување на азбуката на македонскиот јазик како официјално писмо на нашиот јазик. Денес наш приоритет останува поттикнувањето на развојот и афирмацијата на македонскиот јазик како наш постојан влог за неговата иднината, а иднината на нашиот јазик е иднината на нашата татковина. Нашиот, македонски јазик, самосвеста за неговата закрила, коренот на нашето битие, заштитникот на нашиот идентитет и иднина, е света обврска за сите нас, нагласува Спасовски.

Додава дека јазикот е жива материја и најочигледно, како што вели тој, ќе покажеме дека се грижиме за него, преку начинот како го говориме, како го пишуваме, како го читаме македонскиот литературен јазик.

– Така даваме пример со каков јазик сакаме да раснат младите генерации. Да го чуваме и унапредуваме и достојно да му го предаваме на сите генерации по нас, наведува Спасовски.

Би можело да ве интересира

ДКСК отвора предмет за владината кризна помош за невладините

А1он

Владата објави насоки за државјаните на земјите кон кои воведе рестриктивни мерки за влез

А1он

(ВИДЕО) Спасовски: Во план е да инвестираме две милијарди евра за изградба и реконструкција на патната инфраструктура

Ана Ололовска

(ВИДЕО) Царовска: Студентите помогнаа да донесеме политики кои ќе го подобрат стандардот на младите

Ана Ололовска

(ВИДЕО) Спасовски: За три години изградени повеќе од 300 километри атмосферска канализација

Ана Ололовска

На работа се враќаат само родителите чии деца одат на училиште, но не и оние кои имаат деца во градинка

Ана Ололовска