Нема да им дозволиме да пропадне договорот. Зад овој Договор стои меѓународната заедница, стојат четирите политички субјекти и нема никој право да го руши договорот особено не оној којшто ставил потпис, без разлика колку се плаши за сопствената судбина и сопствената иднина. Ако треба да се повлече потег во овој момент, најмалку што може Груевски да направи е да го почитува договорот и да се соочи со сопствениот страв.
Ова денеска на средбите со радовишани го изјави генералниот секретар на СДСМ, Оливер Спасовски.
На прашањето, доколку и понатаму има опструкции за специјалниот јавен обвинител што ќе превземе СДСМ, тој рече:
– Не смее да има опструкции. Мора секој да се вразуми, па дури и Груевски, дека законите и договорите мора да се почитуваат и од тоа отстапки нема. Мора да се почитува Договорот од 2 јуни/15 јули, мора да се одговара за злоделата, Македонија мора да победи.
Тој ги повика граѓаните да се вклучат во битката за рушење на режимот, порачувајќи дека Груевски мора да се соочи со сопствениот страв, затоа што отстапки нема.