Сојузот за иднината ги промовираше кандидатите за градоначалници во струмичкиот регион.
Петар Спасов, по втор пат како кандидат за градоначалник на општина Ново Село пред своите граѓани и поддржувачи, вечерва на плоштадот во Струмица ги испорача своите заложби за поубава иднина на општината.
Актуелниот градоначалник на општина Ново Село и кандидат за втор мандат, Петар Спасов, рече дека голема е честа и одговорноста да се биде градоначалник од редовите на СДСМ, затоа што градоначалниците од оваа партија имаат јасна визија и одговорност да не отстапат од својот пат, општините да ги направат добро место за граѓаните по европски терк.
Јас како градоначалник го направив тоа во мојата општина и како валоризација на тоа ја добив повторно кандидатурата за уште еден мандат. Мојата општина ја нарекуваат врата на Европа бидејќи ние сме најблиску до Бугарија која е членка на ЕУ. Ама кога доаѓаат од таму луѓето не знаат од која страна на границата е Европа, бидејќи општина Ново Село ја направивме европска. А, што да кажеме кога доаѓаат во Струмица, како да доаѓаат во европска метропола, рече Петар Спасов.