Амбасадорите на ОБСЕ, Холандија и Италија влегоа во демолираната сала на советот на Општина Центар.
Ги видоа искршените прозори и вратии искинатите завеси, еден од советниците од советничката група на СДСМ им објасни дека граѓаните надвор се изманипулирани од некого, бидејќи рече на дневен ред воопшто нема точка за стопирање на изградбата на црквата Св. Константин и Елена.
Ние само сакаме да се работи законски, и полицијата да ни обезбеди услови да ја одржиме седницата. Тие ќе седат тука цела вечер и што сакаат, сакаат да не убијат, уште тоа остана!, рече советникот Ѓошо Вангелов.
Советниците на ВМРО-ДПМНЕ немо набљудуваа и не кажаа ниту збор пред амбасадорите.